BTS美食站

營業中

休息中

九龍城出名多泰國菜食，今次食呢間泰國BTS😳真係好正呀！間餐廳嘅餐牌好得意，係用地鐵🚇線形式表達，又有泰文歌聽🤩滿足到我去旅行嘅感覺之餘，又滿足到我個胃🙈🤤店員好細心同好好笑容😊見到廁紙用完會主動拎比我哋👍🏻重點係啦，啲嘢食真係好美味！❤️海鮮餐，牛油蒜蓉燒聖子搭白鱔😊燒聖子夠重口味，牛油味勁香，上面仲有啲炸除咗嘅銀魚仔，超有誠意！個白鱔皮脆肉滑😳魚肉仲好彈牙添！❤️泰式燒牛仔骨，啖啖肉又燒得香！配埋隻醬好好味😋❤️串燒嗌咗牛筋丸同雞軟骨，牛筋丸細細粒二入口，入邊仲有汁架👅❤️泰皇咖喱炒青口，好足料，有成8隻青口，隻隻都大大隻！另外啲泰王咖喱超重椰汁味，係我喜歡嘅味道❤️ 烤薄餅，叫得咖喱一定要配烤薄餅，佢有兩塊，勁香脆軟熟又酥化！❤️椰青，超大個超甜🤤呢餐豐富又好味嘅晚餐，我下次一定再嚟👍🏻