幸福堂 (明發大廈)

係旺角行到口渴，本身想買李圓圓飲，但係因為年初三嘅關係，所以佢冇開門，咁就唯有再搵吓其他台式飲品店，見到呢間幸福堂好似都唔錯，今次就試吓佢嘅黑糖珍珠真鮮奶。


喺佢嘅門面已經可以見到熬製黑糖珍珠同埋製作飲品嘅過程，都幾特別。

🎈黑糖珍珠真鮮奶🧋
一飲落去發現佢嘅味道其實同李圓圓都有啲啲相似，因為佢哋嘅黑糖都係用咗蔗糖，咁樣飲落去嘅話味道唔會太甜，啱啱好，不過佢呢一度嘅黑糖就未溶得曬，一路飲嘅時候仲會飲到一粒粒嘅黑糖，唔知呢個係咪特色😅


但係有一點我幾鍾意，就係佢落嘅鮮奶分量幾多，奶味都重，整體來講個味道算係唔錯，而且珍珠煙韌好咬，比其他珍珠奶茶店好。