幸福堂 (已結業)

夜晚約咗個friend去銅鑼灣食飯 點知自己早左到銅鑼灣 唯有周圍行吓啦 經過幸福堂老虎堂嗰條街 我都唔記得左叫咩街啦 總之就係好多台式珍珠奶茶嗰條街啦 間間都排隊排到鬼死咁多人 唔知係咪11月11號雙十一嘅原因呢 排隊條龍長到呢幸福堂原來雙十一有優惠 就係買一送一啦 本來我諗住淨係行下 見到佢雙十一買一送一咁抵 所以我就買番杯嚟飲啦 另一杯就當送俾個friend啦$28一杯抹茶珍珠鮮奶 因為買一送一嘅緣故 所以$28有兩杯 即刻覺得超級抵 $14一杯咋$14一杯咋 講真唔計大陸 喺香港我真係未飲過$14一杯嘅台式飲品 淨係食佢啲珍珠同埋抹茶味就已經覺得好值