Gram Cafe & Pancakes (已結業)

第一次食gram的pancake係2年前係大阪，所以一唸起gram的pancake,就唸起一家人一起的開心回憶。最近gram係銅鑼灣開分店，好方便我，我也忍唔住要試下。試左限量版的梳乎厘pancake,真係好鬆軟，唔會太甜，最愛白雪雪的cream，濃濃牛奶味，好似風咁輕，好清新唔會漏。因為係午飯時分，所以我再點一份鹹食。春日限定的意大利黑松露醬虎蝦pancake ，這是我第一次食鹹的pancake，但pancake 同鹹的食材完全沒有違和感。虎蝦好大隻好新鮮，肉質彈牙。好喜歡有很多蔬菜，沙律菜新鮮，還有車厘茄，無花果，同充滿黑松露醬的菇菌。呢個配搭做lunch又清新又健康，唔會太heavy!另外想讚下環境同服務，它的裝修同日本一樣，以樹木及植物為主題，木的餐檯凳，配上綠色的植物，好有在陽光下大自然用餐的感覺。服務方面，加水加得好密，對於飲好多水的我好緊要，而且店員都好有禮貌。下次會再帶女女黎!