紅葉茶屋 (T.O.P This is Our Place) (已結業)

旺角既新商場TOP入面有唔少餐廳食肆，之前食過B2間拉麵店都唔錯。今次同女朋友行行下又見到第二間日本餐廳，望落又開揚又唔洗等位，所以就坐低試一試侍應安排坐左係一張sofa位，幾舒服，男仔如果係呢度等女朋友出去行街都係一個唔錯既選擇。我叫左一個燒汁三文魚定食同埋蘋果汁。三文魚唔會燒得好乾，燒汁甜度岩岩好，唯一唔好就係份量太少。而蘋果汁就無咩特別，普通超級市場貨式，可以既話加多兩粒冰會好d。女朋友就淨係叫左個自選芭菲，賣相唔錯，味道亦幾好，綠茶粉無腥味，粟米片好食，合格啦係香港計。