陳儀興尚潮樓 (英皇道)

今晚有一大班年輕人黎食潮州菜

滷水鵝肉
鵝肉鹵得夠入味而肉質夠細嫩,唔太鹹夠鮮美,入口鵝味香濃。

汕頭煎蠔烙
煎蠔烙係潮州名菜之一,勁厚身,煎到外皮脆卜卜,餡內多肥美鮮蠔,夠香口,食落滿口豐富。

方魚炒芥蘭 - 芥蘭苗爽脆唔苦

川椒雞、川椒蝦球

1

護國菜
好少潮州菜館有得食的其中一款潮州食品,廚師將菠菜打碎和瑤柱烹調,無草腥味,質感嫩滑潤喉。

二十年老菜脯燉鮮豬肚湯
餐廳用二十年老菜脯燉鮮豬肚湯,呢個湯好少地方有,老菜脯香,豬肚腍,湯夠清甜。

最後要左個蠔仔粥