影片
更多
2018-02-21
75 瀏覽
新年連續忙左四日新年假同家人朋友團年，年後既大年初五係開工既大日子，相信好多人都同我一樣返工仍然在放假心情中，夜晚當然繼續約好友食飯聚一聚決定去食串燒飲啤酒，食住野輕鬆傾計，去左依間位於山林道既串燒店，大大個招牌掛係門外容易搵到，點串燒都以寫紙落單形式，叫串燒同時，亦叫埋啤酒，依度好出名既六款手工啤酒，樽身上都印有粗口單字，每樽分別係不同味道，我地叫左依兩款味道既手工啤左邊係香檸薄荷，飲落有強烈薄荷味，一飲成個口都充斥住薄荷味，呑後有陣陣既香檸酸味散出黎，味道勁清新兼醒神，相信唔係人人接受到，我就一般，但我朋友覺得唔錯，聽店員講依隻味係比較多人叫，如果無飲過，叫黎試下都無防右邊係香甜蜜糖，麥味比起左邊個支更重，飲完個喉嚨有好大陣麥既回甘香，蜜糖味非常濃，但又唔會太甜，相對比較容易入口，女生們應該會比較喜愛惹味汁燒雞泡魚乾 去親去居酒屋或串燒店，都會必叫雞泡魚乾，依度既雞泡魚乾質感乾身有咬口，但燒得惹味 無腥味，點沙律醬食增添少少咸味，送酒一流生蝦配特色泰醬 估唔到食串燒既地方都有生蝦食，叫返碟過下口癮都唔錯呢， 生蝦汁比平時食到既稀身，但愈食愈辣，酸味強烈更加開胃黑松露沙律醬薯條 平
決定去食串燒飲啤酒，食住野輕鬆傾計，去左依間位於山林道既串燒店，大大個招牌掛係門外容易搵到，點串燒都以寫紙落單形式，叫串燒同時，亦叫埋啤酒，依度好出名既六款手工啤酒，樽身上都印有粗口單字，每樽分別係不同味道，我地叫左依兩款味道既手工啤
左邊係香檸薄荷，飲落有強烈薄荷味，一飲成個口都充斥住薄荷味，呑後有陣陣既香檸酸味散出黎，味道勁清新兼醒神，相信唔係人人接受到，我就一般，但我朋友覺得唔錯，聽店員講依隻味係比較多人叫，如果無飲過，叫黎試下都無防右邊係香甜蜜糖，麥味比起左邊個支更重，飲完個喉嚨有好大陣麥既回甘香，蜜糖味非常濃，但又唔會太甜，相對比較容易入口，女生們應該會比較喜愛
惹味汁燒雞泡魚乾 去親去居酒屋或串燒店，都會必叫雞泡魚乾，依度既雞泡魚乾質感乾身有咬口，但燒得惹味 無腥味，點沙律醬食增添少少咸味，送酒一流
生蝦配特色泰醬 估唔到食串燒既地方都有生蝦食，叫返碟過下口癮都唔錯呢， 生蝦汁比平時食到既稀身，但愈食愈辣，酸味強烈更加開胃
黑松露沙律醬薯條 平時食西餐都會叫小食炸薯條 ，依度剛好有就叫左客黎食下，粗薯條 炸得香脆， 薯味香濃，凍左少少食都唔會腍哂，依然保持到脆口感， 面頭既黑松露醬 比一般食到既味道較甜，但不失黑松露本身香味濃郁味道，簡直係絕配
黃金蒜蓉燒扇貝 黎到已經嘩左一聲，扇貝面頭鋪到滿滿既蒜蓉，扇貝大粒肉厚 ，食落幾爽嫩， 依然保持到鮮味 ， 平時食開清蒸已經覺得好惹味，燒一樣惹味十足，食完之後濃郁 蒜味已 充斥全個口，好正啊
蒜蓉燒原條茄子 食串燒點少得叫燒茄子 ，必點菜式之一，面頭鋪滿大量木魚同蒜蓉，
連茄子肉一齊拉起食，入口即溶好軟身 ，燒得剛剛好，好香又勁惹味，不其然真係想配個白飯食
鹽燒日本秋葵 平時食開烚秋葵 ，口感比較滑身，但燒熟既秋葵 更加討好，爽脆得黎只帶少許滑身，加上孜然粉味道夠惹味，整體都比較清爽可口
日式汁燒BB露荀 食咁多肉都要叫菜食下既，唯一選擇就係露荀 ，露荀 平時炒黎食都會比較乾身，但燒熟既露荀 反而多汁 爽脆 有咬口，孜然粉味道增添惹味，唔錯呢
燒玉子 本身本人都好喜愛食蛋，依度既燒玉子竟然有驚喜，味道甜得黎帶蛋香， 厚玉子 咬落軟熟， 熱辣辣香噴噴，必叫之選
麻辣醬燒黑豚肉 厚切既黑豚肉 真係非常大粒，咬落啖啖肉夠實在，燒得剛好唔乾身，仲有少少肉汁流出，口感似叉燒 ，麻味都不可睇少，愈食愈辣，幾過癮
鹽燒日本甜薯 食左咁多辣串燒，食返粒甜薯就啱哂，燒得好軟熟， 甜味十足，非常討好
整體而言，串燒都燒得唔錯，價錢合理，配上有特色既手工啤，輕鬆食住傾計既好地方
張貼
