上海麵家 (已結業)

食完餐唔飽團年飯, 跟住兩口子就肚空空拍住拖咁去行年宵, 行左差唔多兩個鐘啦, 係時間要醫肚喇! 本來好想去榮記食車仔麵, 點知佢地收左, 咁咪條街度行左一陣, 知道呢度食上海野好出名, 而女友又話未食過粢飯, 咪同佢入去食下囉!我地叫左一個粢飯, 一客小籠包, 一客炸銀絲卷同埋一碗咖哩粉絲牛肉湯! 粢飯十分正, 軟熟好味, 連女友都話好味; 小籠包有五隻, 個餡好味, 皮就厚d, 不過可以接受; 炸銀絲卷好脆好鬆, 真係一絲絲架, 正呀! 咖哩粉絲牛肉湯就一般啦, 粉絲同牛肉都可以, 個咖哩湯就最正! 服務幾好, d野食又快又熱, 埋單都好似唔使六十蚊, 抵食!