南記粉麵 (已搬遷) 新店位置

5月4日, 講就講話平時食米線成日都食譚仔, 但其實我地最鐘意食嘅平靚正米線首選係南記!::: 牛展清湯小鍋米線 ::: $31呀菲唔食辣, 食親米線都只會食清湯, 而食過咁多間清湯米線做得最好嘅可以算係南記~ 因為佢個湯清得嚟唔會淡茂茂, 而係有味之餘仲做到平時酸辣走辣嘅效果! 特別鐘意佢d酸菜, 味道酸中帶甜兼大大粒有咬口! 配料方面, 雖然春卷係南記名物, 但麻麻地炸野嘅呀菲都係鐘情鹵水牛展多d~ 牛展份量多, 肉質軟淋又鹵得入味, 配埋爽滑彈牙嘅米線食一流!::: 春卷酸辣小鍋米線 ::: $31南記必食當然唔少得春卷, 一碗米線大大碗仲竟然有4條春卷, 份量超足夠! 呢度嘅酸辣湯底係可以話完勝, 味道酸酸甜甜得嚟唔會太嗆, 酸菜、腐竹、炸醬同韮菜呢d配料都好夾, 米線又唔會太淋彈性剛好~ 春卷質地彈牙魚味好夠, 浸下個湯底仲會有淡淡嘅酸辣味!::: 凍檸茶 ::: $12凍檸茶大大杯~ 茶味濃檸味足~ 正!南記係不論堂食或外賣都係好味兼抵食嘅! 只恨佢d分店開得唔夠譚仔多...