越興園越南菜館 (已搬遷) 新店位置

經過同媽咪入錯餐廳，最後選擇之前冇睇過Openrice就盲選擇咗食抵食嘅越南菜。我地不約而同地叫咗湯粉，媽咪叫咗豬扒金邊，而我就叫咗生牛肉金邊。諗真啲係疫情下食生嘢都有啲危，早知叫半熟。兩碗湯底飲落清淡，冇咩味精味。但對於鐘意濃口味嘅我，就要自行再加魚露。豬扒好入味，濃濃嘅香茅味。豬扒經過煎，口感唔嚡。其實我係第一次食生牛肉湯粉，所以好難比較。牛肉片比平時打邊爐嘅牛肉片厚身啲啲，個人認為厚度適中，薄度可以放入湯中都八成熟，食落又有分量。但係牛肉味比較淡。另外仲叫咗平時少見嘅北越蒸粉卷，一客三件。呢個都係我第一次食。面頭嘅扎肉絲同炸蒜好適合配蒸粉卷，甚至湯粉，增加風味同香脆感。蒸粉卷入邊係素，有沙葛、紅蘿蔔。粉卷嘅粉略為太厚，但呢個整體都幾好味。建議點是拉醬，辣辣地味道更豐富。連小食，一共食咗$129。值得一提，粉嘅分量好多，食咗半碗就飽。性格比其實唔錯，但環境比較舊同埋店員服務一般。當問到有關餐牌嘅嘢，店員可以更主動提供餐飲包括咩飲品。