夜晚呢度嘅菜式吾多，主打石燒牛，最近進行緊生酮飲食，對我黎講就再適合不過😆石燒牛嘅種類就幾多，店員亦好用心咁介紹☺️有牛板腱、封門柳、西冷、肉眼等等。
仲有一款幾有特色嘅系「意粉自由選」，可以喺粉、配料同埋醬汁嘅選項各揀一項，自由配搭都幾特別😁
呢家好多石燒牛店都有自助區，可以自己拎番自己中意嘅醬汁～餐具同埋紙巾都系自取。
另外呢間嘅石燒牛店仲有另外一個特別之處，就系沙律同埋飯都系任拎㗎☺️咁就食得健康又飽肚。
店員有好細心問我地想要點樣嘅牛肉，我地就中意肉味明顯啲嘅，咁佢就介紹咗呢隻，封門柳對我黎講好就好在口感吾會好硬，切起上黎都易切啲。牛肉嘅厚度都幾厚，食落口感juicy😋吾會乾爭爭。牛肉味都真系好明顯，食得好滿足！店員冇介紹錯呀👍🏼
男朋友就叫咗個黑松露忌廉汁鮮蝦蟹肉意大利粉，$98呢個價錢始終唔可以要求啲咩喇🙈🙊味道都比想像中好，大蝦爽口彈牙，同埋啲蜆肉都有好香嘅忌廉同牛油味☺️黑松露嘅份量適當，使得意粉更香口。有個小小意見就係意粉可以再creamy啲🤍
跟餐加$18就有杯特飲好抵~唔記得入面有咩成份，總之飲落好似雜果賓治🤣甜甜地幾開胃嘅，本身鍾意飲果汁嘅人應該會覺得吾錯。
