臨記車仔麵 (已結業)

耐吾耐食下車仔麵好正！呢間臨記我已經係第三次食喇 😍真係平 靚 正！所以今日決定encore!每次都見到有人排隊，好在等吾太耐就食得。我同朋友都揀左三個送，每碗四十幾蚊，超大碗！啲粉多到食極仲有，吾講以為加左底😂 好抵食！而且仲非常足料，三個送就填滿哂成個碗😂👍🏼我地發覺好多個送都好食！個人最中意呢度既： 豬軟骨，雞翼尖， 花枝丸， 鮮竹卷， 瑞士雞翼，蘿蔔， 豬大腸🤤最重要係 豬軟骨 炆到好林 仲有大大舊嘅骨膠 👏🏻 瑞士雞翼甜甜的，好入味😍 鮮竹卷足料、夠味道、脹卜卜的🤤碗麵 我要咗咖哩湯底，好味呀！😍套餐包飲品 我要咗豆漿，又甜又滑