影片
更多
2009-10-09
14 瀏覽
尋晚食完D咁既垃圾食物, 今晚點都唔待薄自己架啦~ 去親厚福街, 通常一下子就衝左入唯一/越南野度, 次次經過呢間甜品舖, 望下個 menu 就去左果兩間~ 點解? 無他既, 明知佢甜品舖, D Set 又咁平, 唔敢對佢D野食有期望。 今日入去, 都係本住甜品為上既心態, 點知就有意外驚喜! 一份Dinner: 一杯凍飲, 一份正餐, 一份是日甜品, 盛惠$50, 唔使加一, 想自選甜品, 可以比多$30, menu 甜品任簡。當然我都唔傻, 問一問, 今晚甜品係雲石芝士餅併雪糕... 我吓左一聲... 收你果$50 仲要有咁大入甜品? 咁正餐會唔會唔掂架? 首先上台既係凍檸蜜: 無咩特別, 檸味同蜜味好好, 唔會過甜, 叫做打左少少強心針~ 之後係個西蘭花海鮮焗出前一丁(配西班牙汁)先上: 芝香撲面, 芝士好香濃, 而且好足料! 跟住到我千諗萬諗先決定到既大頭蝦併海鮮牛油飯: 一上台已經比賣相吸引住... 睇到好靚既白汁, 入面有蝦, 青口, 魚柳, 蟹柳, 當然唔少得主角開左邊既大頭蝦! 上面仲有d蘿蔔苗同蟹子, 拌勻食好 refresh! 對尋日個怨氣一掃而空~ 最後甜品登場,
去親厚福街, 通常一下子就衝左入唯一/越南野度, 次次經過呢間甜品舖, 望下個 menu 就去左果兩間~ 點解? 無他既, 明知佢甜品舖, D Set 又咁平, 唔敢對佢D野食有期望。
今日入去, 都係本住甜品為上既心態, 點知就有意外驚喜!
一份Dinner: 一杯凍飲, 一份正餐, 一份是日甜品, 盛惠$50, 唔使加一, 想自選甜品, 可以比多$30, menu 甜品任簡。當然我都唔傻, 問一問, 今晚甜品係雲石芝士餅併雪糕... 我吓左一聲... 收你果$50 仲要有咁大入甜品? 咁正餐會唔會唔掂架?
首先上台既係凍檸蜜: 無咩特別, 檸味同蜜味好好, 唔會過甜, 叫做打左少少強心針~
之後係個西蘭花海鮮焗出前一丁(配西班牙汁)先上: 芝香撲面, 芝士好香濃, 而且好足料!
跟住到我千諗萬諗先決定到既大頭蝦併海鮮牛油飯: 一上台已經比賣相吸引住... 睇到好靚既白汁, 入面有蝦, 青口, 魚柳, 蟹柳, 當然唔少得主角開左邊既大頭蝦! 上面仲有d蘿蔔苗同蟹子, 拌勻食好 refresh! 對尋日個怨氣一掃而空~
最後甜品登場, 雪糕幾有奶味, 最欣賞佢舊雲石芝士餅, 好濃 cheese 味, 食落口不膩, 上多幾件都食到~
埋單一百蚊正, 服務就一般啦, 多後生仔鐘意嘻嘻哈哈, 有時掛住玩聽唔到人叫佢~ 尋晚既二百幾蚊, 我寧願用晒黎食呢間囉~
Main Course 既質素絕對好好, 同UCC可以平分秋色, 比起 Waraku 更勝一點~
呢個價錢, 似乎第時去到厚福街要揀野食要更苦惱了~
張貼
