影片
更多
2016-06-29
432 瀏覽
今日見冇乜嘢做，就同同事出咗去食lunch。想食韓國嘢，同事就介紹咗呢間餐廳。同一條街裏，唔難發現有兩間明洞，一間係傳統嘅韓式餐廳明洞屋，有燒肉爐、有人serve嘅、咁價錢當然係貴啲啦；我哋今日喺呢間明洞express，係屬於自助式嘅、好似快餐店咁、需要自己比錢買嘢食、但係價錢方面就絕對親民得多啦！我哋兩個首先一人叫咗一個主菜，同事食親韓國嘢都一定叫燒肉，咁佢就叫左燒牛脊髓。我就好鍾意食韓式嘅豆腐湯，我就叫左一客豆腐湯啦。呢度好好，每一樣餸基本上都會伴一個白飯。但我哋兩個貪心嘅小朋友，當然唔心足啦！我哋叫咗兩個餸之後、都將白飯還返俾侍應姐姐，另外叫咗一個海鮮拉麵，想試吓呢間韓國嘢嘅拉麵到底係咪我心水呢！《燒牛脊髓》先講個燒肉先啦，燒肉係鐵板上嘅。廚師一早已經燒好左，上枱嘅時候依然係好熱，值得一讚。一拎上嚟，已經聞到好香嘅燒烤味，首先滿足到我哋嘅嗅覺。佢哋燒肉嘅份量非常之多，一啲都唔孤寒，好足料！大大塊嘅牛肉，一份都有成十幾塊。我哋迫不及待，即刻放入口啦！牛肉係厚切嘅，有成cm厚，可以成功咁鎖住牛肉裏面嘅肉汁。一咬開，牛肉汁就馬上必出嚟。佢哋選用嘅牛肉都係高質素嘅牛肉，有好香嘅牛味，而且
今日見冇乜嘢做，就同同事出咗去食lunch。想食韓國嘢，同事就介紹咗呢間餐廳。同一條街裏，唔難發現有兩間明洞，一間係傳統嘅韓式餐廳明洞屋，有燒肉爐、有人serve嘅、咁價錢當然係貴啲啦；我哋今日喺呢間明洞express，係屬於自助式嘅、好似快餐店咁、需要自己比錢買嘢食、但係價錢方面就絕對親民得多啦！
我哋兩個首先一人叫咗一個主菜，同事食親韓國嘢都一定叫燒肉，咁佢就叫左燒牛脊髓。我就好鍾意食韓式嘅豆腐湯，我就叫左一客豆腐湯啦。呢度好好，每一樣餸基本上都會伴一個白飯。但我哋兩個貪心嘅小朋友，當然唔心足啦！我哋叫咗兩個餸之後、都將白飯還返俾侍應姐姐，另外叫咗一個海鮮拉麵，想試吓呢間韓國嘢嘅拉麵到底係咪我心水呢！
《燒牛脊髓》
先講個燒肉先啦，燒肉係鐵板上嘅。廚師一早已經燒好左，上枱嘅時候依然係好熱，值得一讚。一拎上嚟，已經聞到好香嘅燒烤味，首先滿足到我哋嘅嗅覺。佢哋燒肉嘅份量非常之多，一啲都唔孤寒，好足料！大大塊嘅牛肉，一份都有成十幾塊。我哋迫不及待，即刻放入口啦！牛肉係厚切嘅，有成cm厚，可以成功咁鎖住牛肉裏面嘅肉汁。一咬開，牛肉汁就馬上必出嚟。佢哋選用嘅牛肉都係高質素嘅牛肉，有好香嘅牛味，而且肥瘦分佈非常之均勻。牛肉都係預先醃制好嘅，調味做得好好。
《辣豆腐湯》
至於我最鍾意嘅辣豆腐湯，佢哋係用傳統嘅韓式瓦煲上嘅。甘樣有一個好處，可以係你全餐飯食完之後，都仲保持住一定嘅熱力。湯嘅用料好豐富，有豆腐、泡菜、豬肉同埋煙肉，仲有一隻雞蛋。雞蛋上枱時仲係生嘅，可以根據個人喜好選擇食窩蛋定蛋花湯。我個人比較鍾意食半熟嘅蛋，所以就係佢差唔多熟晒嘅時候，先整爛佢。個湯有少少泡菜味，蜆肉就提供左少少海鮮味。酸酸地、辣辣地、非常開胃！而豆腐絕對係亮點，好香，好滑，食到停唔到口！
《海鮮拉麵》
最後就係海鮮拉麵啦，海鮮拉麵用料都好豐富，總共有成四五種海鮮：有蝦肉、蜆肉、魷魚等等。拉麵就係傳統嘅韓式辛辣麵，佢哋火候控制得好好、拉麵煮得熟透，但仲係好彈牙！我哋兩個公仔麵怪，當然即刻清晒。如果可以加塊芝士上去，就更完美啦！
咁多樣餸，每樣都只係幾十蚊，就可以食到正宗嘅韓式味道，有質素嘅韓國菜。呢間餐廳主打嘅，唔係格調同服務，係平靚正嘅食物質素。如果同朋友或者同同事黎食，絕對係一個好選擇啊！
張貼
