影片
更多
2020-08-01
1223 瀏覽
呢間位於大坑嘅小店，一開始就俾佢燈光所吸引，餐廳唔大所以都係坐到10多人到。入面燈光就比較昏暗但係好有feel，鍾意影相呃下like相當適合。食物風格大概係台灣x泰國 (其實只係因為佢出邊個牌寫佢嘅招牌菜係牛肉麵同埋泰國手撕雞米線😅），其實仲有好似車仔麵叫法嘅酸辣粉同大量小食可供選擇。見佢最出名係牛肉麵同手撕雞米線就一於試吓佢。面可以選擇粗麵、米線同埋薯粉，牛肉好重手，差唔多成寸厚，咬落好淋而且入味，湯方面牛肉味濃帶點香辣。份量睇落唔係好大但係飲埋個湯都幾飽，算係喺香港食過比較好食嘅牛肉麵～另外酸辣米線，份量都唔細，入邊有手撕雞、青瓜、芽菜等等，個湯酸酸辣辣，酸味比較為明顯辣味只係一點點綴，鍾意食好辣嘅人可能會有啲失望（我就幾鍾意因為我唔食得好辣😂），不過成件事都係好食嘅。另外叫咗個小食-椒麻炸雞扒，佢炸得超出色，外層係酥脆而唔係硬到𠝹口嗰種好乾嘅脆，而內裏仍然保持着肉質嫩滑，好Juicy。味道麻得來帶少少辣，唔食得辣嘅人都可以食到～仲有個青靈梳打，佢用以前嘅漱口杯幾特別，味道同一般青檸梳打差唔多不過勝在幾大杯。總括來講呢間餐廳確實係平靚正，一定會再食～前座飯堂 大坑新村街39號地下
入面燈光就比較昏暗但係好有feel，鍾意影相呃下like相當適合。
食物風格大概係台灣x泰國 (其實只係因為佢出邊個牌寫佢嘅招牌菜係牛肉麵同埋泰國手撕雞米線😅），其實仲有好似車仔麵叫法嘅酸辣粉同大量小食可供選擇。
見佢最出名係牛肉麵同手撕雞米線就一於試吓佢。
面可以選擇粗麵、米線同埋薯粉，牛肉好重手，差唔多成寸厚，咬落好淋而且入味，湯方面牛肉味濃帶點香辣。份量睇落唔係好大但係飲埋個湯都幾飽，算係喺香港食過比較好食嘅牛肉麵～
另外酸辣米線，份量都唔細，入邊有手撕雞、青瓜、芽菜等等，個湯酸酸辣辣，酸味比較為明顯辣味只係一點點綴，鍾意食好辣嘅人可能會有啲失望（我就幾鍾意因為我唔食得好辣😂），不過成件事都係好食嘅。
另外叫咗個小食-椒麻炸雞扒，佢炸得超出色，外層係酥脆而唔係硬到𠝹口嗰種好乾嘅脆，而內裏仍然保持着肉質嫩滑，好Juicy。味道麻得來帶少少辣，唔食得辣嘅人都可以食到～
仲有個青靈梳打，佢用以前嘅漱口杯幾特別，味道同一般青檸梳打差唔多不過勝在幾大杯。
總括來講呢間餐廳確實係平靚正，一定會再食～
前座飯堂
大坑新村街39號地下
張貼
