Lockeroom Dining (譽發廣場) (已結業)

味道😋😋😋😋環境😋😋😋😋服務😋😋😋😋衛生😋😋😋😋抵食😋😋😋😋今日一行5人黎左依間西餐到食lunch,依間以足球做主題嘅材廳，環境幾舒服，咁岩坐窗邊，d陽光射入黎感覺好舒服！我地叫左 藜麥燒南瓜沙律、吉烈雞脾扒配蜜糖芥末醬、美式燒烤醬豬肋骨、2個all day breakfastlunch set 跟餐湯、餐包及熱飲餐湯佢係南瓜湯，用料好足，味道夠，一d都唔稀！飲得出唔係是旦煲😋餐包蒜蓉包焗得脆口唔會過火，味道似pizzahut隻蒜蓉包，食完令我想再食😋藜麥燒南瓜沙律沙律菜新鮮，佢個黑醋汁就算落晒都唔會覺得重味，感覺岩岩好，分量對細食嘅我岩岩好吉烈雞脾扒配蜜糖芥末醬雞脾扒夠晒大塊，炸得脆口，雞肉鮮嫰保留到少少肉汁，正美式燒烤醬豬肋骨本人一向唔鍾意食豬肋骨，因為唔係到到整得好食，同埋好多時d肉痴晒係骨到，但佢嘅豬肋骨火喉好好，d肉夠軟身，一咬落d肉，一撕就離晒骨，正！醬汁唔會太過重味，食多幾舊都唔會膩😋all day breakfast多數係加工食品，所以冇話好特別，不過隻蛋炒得幾好冇炒老左。超出左我預計，加上價前都算抵，黎緊都會再去幫襯。