四季‧悅 日本餐廳 (遠東金融中心)

營業中

休息中

第二次嚟呢間餐廳食放題，當晚7:30入座，冇限時，10點last order. 首先佢嘅位置好方便，由金鐘站B出口一出行1~2分鐘就到。由於係平日，所以唔係十分多人，餐廳環境幾好，好乾淨。放題形式，有好多選擇，其中佢嘅海膽壽司係好出名，所以我地叫左啲試下。餐廳冇漏單，黎嘅數量同我地填嘅一樣，同埋食物上枱好新鮮，刺身好新鮮而且都剪得幾厚。炸物都係岩岩炸出黎，所以食落好熱好脆。店員嘅態度都好好，仲有是日甜品，都好好味。