阿四車仔麵 (已結業)

前幾日約左朋友去街，lunch諗唔到食咩好，行過阿四車仔麵，見門口裝修幾靚，同埋又係我最中意食既車仔麵，所以就入黎試下。同朋友一人叫左個三餸麵，一口氣叫左5個小食。車仔麵湯底好濃郁，唔會係死咸既味道。咖哩汁好香，唔會太辣而搶左咖喱既味道，黎食既朋友推介可以叫試咖喱汁。小食方面推介香辣魷魚，鹵水豬大腸同瑞士汁雞翼! 魷魚唔會煮得太韌， 辣汁味好夠! 豬大腸都唔會韌，鹵水汁超入味!瑞士汁雞翼好鬼香，雞翼食得出煮得夠耐，好淋!價錢親民，食得好愉快既午餐!