滷友記 (加路連山道) (已結業)

今日同男朋友出銅鑼灣行街嘅時候，突然間好想食滷水嘢。所以我哋即刻上網搵到一間係加路連山道嘅餐廳，而且comment都唔錯。所以我哋就決定去嗰度食飯！去滿足我對滷水嘅慾望🤤餐廳入邊嘅裝修都幾靚，而且好有台灣特色，而且侍應非常親切，仲主動介紹咗幾樣嘢食俾我哋，分別係：招牌大滷麵🌟-湯底有非常濃郁嘅滷水味，麵條口感彈牙，再配埋煮到入晒味嘅餸一齊食。成個麵嘅味道好豐富。真係大愛呢🥰🥰滷水豆腐🌟-豆腐睇落去嘅顏色唔係好深色，但滷水嘅味道濃郁得黎，完全冇覆蓋豆腐本身嘅味道。啱晒鍾意食豆腐俾我炸秋葵🌟-白灼秋葵就食得多，炸秋葵都係第一次食。廚師嘅火候較到啱啱好，秋葵炸到啱啱熟。令到秋葵嘅味道仍然保持好鮮甜。呢個真心有驚喜！椒鹽炸頁丸🌟貢丸爽口彈牙，呢個都係炸到啱啱好，完全唔覺得油膩。再加埋椒鹽嘅調味，令貢丸嘅味道更突出。食咗咁多熱氣嘢之後，當然要叫番杯啤酒嚟爽吓黎作為餐飯嘅結尾！🍻