影片
更多
2010-04-24
26 瀏覽
因為唔知D相SAVE咗去邊,所以搞到而家先寫到食評....好耐之前食過一次午餐,真係抵食夾大件,味道又幾好,諗住有機會試埋晚餐先寫食評..嗰日搭車經過見到哥登堡門口有個大POSTER,晚餐$53元,餐湯.頭盤7揀1,主菜任揀兩款扒(有牛扒,吉豬,洋蔥豬扒,魚扒...等等),仲有甜品同飲品,,,特飲仲唔使加錢.睇到幾吸引,於是夜晚即刻去食..去到見到幾旺,我一家三口都要等咗一陣先有位.我ORDER咗$53元餐,頭盤揀咗腿蛋沙律,紅湯,吉列豬扒+牛扒跟薯菜,椰汁紅豆冰+啫喱.我先生ORDER咗鐵板牛柳餐,有餐湯,飲品,甜品腿蛋沙律---火腿就濕身,食落幾有火腿味,應該唔係平價貨.烚蛋剛剛熟,仲有少少糖心.沙律夠凍,去餐廳食沙律,尤其係跟餐沙律,最怕唔夠凍.但呢度唔會,好夠凍,食落好清新,份量唔多,食完好開胃**WAITER哥哥話好多客都覺得略酸,但我就覺得啱啱好,如果唔鍾意食較酸沙律嘅朋友,可以揀其他頭盤...有串燒...焗田螺....**白湯.紅湯+餐包---講真湯麻麻地,我飲到3份1已經唔想飲,紅湯冇香味,可以話淨係得個樣同色水,好似加完水再煲咁...白湯仲衰,成兜白雪雪,粟米都冇粒,
好耐之前食過一次午餐,真係抵食夾大件,味道又幾好,諗住有機會試埋晚餐先寫食評..
嗰日搭車經過見到哥登堡門口有個大POSTER,晚餐$53元,餐湯.頭盤7揀1,主菜任揀兩款扒(有牛扒,吉豬,洋蔥豬扒,魚扒...等等),仲有甜品同飲品,,,特飲仲唔使加錢.睇到幾吸引,於是夜晚即刻去食..
去到見到幾旺,我一家三口都要等咗一陣先有位.
我ORDER咗$53元餐,頭盤揀咗腿蛋沙律,紅湯,吉列豬扒+牛扒跟薯菜,椰汁紅豆冰+啫喱.
我先生ORDER咗鐵板牛柳餐,有餐湯,飲品,甜品
腿蛋沙律---火腿就濕身,食落幾有火腿味,應該唔係平價貨.
烚蛋剛剛熟,仲有少少糖心.沙律夠凍,去餐廳食沙律,尤其係跟餐沙律,最怕唔夠凍.但呢度唔會,好夠凍,食落好清新,份量唔多,食完好開胃
**WAITER哥哥話好多客都覺得略酸,但我就覺得啱啱好,如果唔鍾意食較酸沙律嘅朋友,可以揀其他頭盤...有串燒...焗田螺....**
白湯.紅湯+餐包---講真湯麻麻地,我飲到3份1已經唔想飲,紅湯冇香味,可以話淨係得個樣同色水,好似加完水再煲咁...白湯仲衰,成兜白雪雪,粟米都冇粒,有點似糊仔,飲落又冇味....差
餐包非常大個,大過一個成人拳頭,見到都飽晒.......不過幾鬆軟同好熱...但係食完都夠飽....
吉列豬扒+牛扒薯菜---豬扒超厚超大塊,一D都唔乾身,好鬆化...一定係即叫即炸.但略嫌有少少靳,不過有返半吋咁厚,有少少靳口都唔出奇..
牛扒竟然可以ORDER幾成熟,真係有點驚喜,因為比著其他餐廳做呢D特價餐,通常廚房都係一早整定,而且仲要係碟上,一定冇得俾你揀,但係呢度就唔係,落單時佢問你要幾成熟,做到足,所以要等耐少少...
牛扒幾淋,好大件,一食就知用鬆肉粉去醃,不過都應該唔係落好多,因為仲要用少少力去切,唔似有D茶餐廳咁一落刀就散開...加埋洋蔥汁超好味
薯條好熱好脆,係即炸嘅
鐵板牛柳---好淋,味道幾好..
略嫌要8成熟,但嚟到切開仲血淋淋,應該只得6,7成熟...黑椒汁稍辣...食完要飲勁多水..
椰汁紅豆冰---過得去,本人覺得紅豆唔夠爛,一粒還一粒,唔淋,唔夠甜,椰汁唔夠香,溝得水多,最尾都係要叫佢地加淡奶...
但如果唔飲得甜嘅朋友應該會覺得OK.
雜果賓治---本人對呢樣飲品冇咩興趣,所以冇飲到,個WAITER哥哥俾個TIPS,就係ORDER呢個賓治千祈唔好落紅糖水.....(佢冇講點解)
甜品啫喱---應該雪咗好耐,開始有點硬身,而且係青檸味冇得揀,加咗花奶陣味好怪,SO冇食到..
整體上好滿意,係D餐湯真係差..其他都好滿意,.話晒都係老牌餐廳,水準有返咁上下.
值得一讚係WAITER哥哥好好禮貌,雖然爆場,個個冇停手,但應客都好快,而且落力跟進,又有禮貌..呢樣嘢先係最緊要,如果D嘢好食,但係遇著D WAITER黑口黑面,咁就真係食咗都背脊骨落...
P.S:$53元一個餐,我同個仔兩個人食完都頂到上心口,真係抵食,而且味道幾好,仲有,跟餐送特飲,今時今日叫個餐飲杯凍嘢就要加2元啦,特飲加夠你5-8元,但呢度唔使加錢有個特飲,去邊度搵呀???
張貼
