南洋麵屋 (已結業)

平時好少係北角食飯 ，因為成日都覺得無咩好食，但甘啱今日有野係北角做，所以就係北角搵餐廳，上網見d人話南洋麵家都值得食，甘就同男朋友去食下啦，係門口望入去就覺得鋪頭既環境幾靚，係北角依個鬧市入面屬於好平靜既食店，入到去見到店舖唔算大，但坐得好舒服，甘第一道餸我地就叫左個豬頸肉，佢既份量都唔少，同埋肉食落去既時候有少少甜味，就算唔要醬都好好食，再之後就係叫左個肉碎生菜包，佢好聰明地用一個菜黎包住d肉碎，甘就方便我要包生菜既時候唔會搞到肉碎好難裝，然後再有個海南雞飯，油飯整得好食，唔會太乾或太濕，而且雞都新鮮，肉質夠哂嫩，最後就係馬拉盞通菜， 菜炒得好夠鑊氣唔會燶而且冇好多調味，整體都幾新鮮。南洋麵店的確係北角入面既一間好好既店