小草十八怪石鍋米線 (已結業)

今晚心水又係想食平靚正嘅晚餐，揀咗一間之前已經食過嘅餐廳，上一次試咗佢哋嘅烤魚套餐，感覺好唔錯，今次就試吓其他嘢。點左佢哋嘅大大碗自選米線，另外叫咗啲串燒，再加多兩杯特大飲品！兩個女仔食比較西式唔食得太多野 咁又一餐。講吓佢哋嘅米線有好多款唔同嘅湯底可以揀，揀咗一款餐牌裏邊推薦嘅香辣金湯，佢嘅味道同一般嘅小窩米線好唔同，湯底有少少麻辣，另外少少酸酸甜甜，感覺唔會太油膩，但係就好惹味～而且佢嘅份量都好多，兩個share女仔食再加埋啲串燒都好飽，串燒裏邊特別推薦可以試吓佢哋嘅蝦，好新鮮又大隻，而且蝦燒出嚟聞落去好香，真係聞到都想食！燒豬大腸都唔係好多地方有得食，佢哋嘅串燒加埋佢哋自家嘅調味粉整體感覺都唔錯。