古月聚台灣古早味美食 (已結業)

古月聚都係元朗開咗好長一段時間，食過幾次都唔記得影相，今次終於記得！一入去已經好親切，好台灣復古風，嘢食選擇多，基本台灣嘢都有得食！鹽酥雞肉燥飯: 雞唔會炸得過乾，調味啱好，正！飯好大碗，肉燥夠味！台灣香腸滷肉飯: 台灣腸係老細自家製，一定要試，好足料！夾埋蒜頭一齊食，正到唔識講！飯又係好大碗，滷肉好家庭feel, 好食！牛肉麵: 麵底fail, 好淋，完全冇台灣麵嘅煙韌，牛肉ok，湯底ok，食完唔涸喉！魷魚鬚: 乾咗小小，調味ok！炸物拼盤: 炸四季豆好正，花枝丸夠味，蕃薯條少fail! 大腸包小腸：好味，好台灣，必試！甜不辣：調味好正，炸得啱啱好，係香港都食過好多間甜不辣，古月聚係so far 最好食嘅！豬大腸: 豬腸乾淨，調味ok！總括嚟講，價錢公道，嘢食正，服務好，又係良心店，入開元朗國一定要幫襯！Btw, 上面啲嘢食係combine咗兩餐飯，我唔係咁大食㗎！