影片
更多
2022-07-24
350 瀏覽
作為土生土長香港人，食港式平民嘢食極都唔厭，估唔到銅鑼灣都有一間又平又好食嘅港式餐廳。一入到去，成個裝修好新淨，有好多懷舊元素，例如公雞碗、舊時茶檔餐牌、紙皮石，有feel！餐牌好多嘢食選擇，煲仔飯、湯、小食、撚手小菜、飯後糖水乜都有。我哋首先叫咗一個暖love love 二人餐($159)，包酥皮焗花膠雲吞雞、櫻花蝦臘味煲仔飯、兩款糖水或者嘢飲，抵到爛。酥皮湯裏邊有勁多花膠，女士一定鍾意，雞肉都好嫩滑，碗湯十分清甜👍🏻至於煲仔飯都好正，櫻花蝦鋪滿成個飯，每啖都可以食到，加埋個豉油好夾，我哋三兩下就食晒。除咗二人餐，我哋仲叫咗脆脆鳳尾蝦多士3件（$34）、西蘭花炒青衣球（$72）、巷仔麻辣酸菜魚（$88）。蝦多士賣相好靚，炸得非常鬆脆，配埋沙律醬咁食，相信冇人會抗拒🫠至於西蘭花炒青衣球就一般家常小菜，西蘭花都唔會好難咬。而友人就十分推薦酸菜魚，一來份量好大，二來裏面有好多材料，有冬粉索晒精華。飯後甜品我哋叫咗一凍一熱，分別係熱腐竹雞蛋糖水(跟餐)、仙草芋圓紅豆珍珠（$16）。完全冇諗過一個$16嘅甜品，竟然個碗咁大，兩個人食都食唔晒😝芋圓仲有三隻味，珍珠有好濃黑糖味，勁好食。之後夜晚食
餐牌好多嘢食選擇，煲仔飯、湯、小食、撚手小菜、飯後糖水乜都有。我哋首先叫咗一個暖love love 二人餐($159)，包酥皮焗花膠雲吞雞、櫻花蝦臘味煲仔飯、兩款糖水或者嘢飲，抵到爛。
酥皮湯裏邊有勁多花膠，女士一定鍾意，雞肉都好嫩滑，碗湯十分清甜👍🏻至於煲仔飯都好正，櫻花蝦鋪滿成個飯，每啖都可以食到，加埋個豉油好夾，我哋三兩下就食晒。
除咗二人餐，我哋仲叫咗脆脆鳳尾蝦多士3件（$34）、西蘭花炒青衣球（$72）、巷仔麻辣酸菜魚（$88）。
蝦多士賣相好靚，炸得非常鬆脆，配埋沙律醬咁食，相信冇人會抗拒🫠至於西蘭花炒青衣球就一般家常小菜，西蘭花都唔會好難咬。而友人就十分推薦酸菜魚，一來份量好大，二來裏面有好多材料，有冬粉索晒精華。
飯後甜品我哋叫咗一凍一熱，分別係熱腐竹雞蛋糖水(跟餐)、仙草芋圓紅豆珍珠（$16）。
完全冇諗過一個$16嘅甜品，竟然個碗咁大，兩個人食都食唔晒😝芋圓仲有三隻味，珍珠有好濃黑糖味，勁好食。之後夜晚食甜品都一定會嚟返呢間，因為實在太抵又好食！
張貼
