壹茶 (已結業)

葵涌廣場愈來愈多野食！食完飯本來想食班戟當甜品，但眼見實在太多人排隊⋯⋯ 唔想等既情況下再行行， 見新開左間台式飲品類既鋪頭，就飲杯花先生最愛既珍珠奶茶作結啦！皇家珍珠奶茶，中杯$16，幾抵喎！唔算太多人order，等左一陣就有喇。唔錯喎！好香茶味，奶同茶比例剛好，相比之前連鎖店既更好。珍珠亦彈牙，確實唔錯！可能無期望之下，有驚喜！下次會試啲特別野飲如蛋糕奶茶系列。發覺飲珍珠奶茶都講運氣，今次好飲，下次未必。希望佢可以保持水準！