大家樂 (已結業)

星期五晚約左班舊同事食晚飯，但早左收工，於是諗住約朋友去happy hour攝下時間。點知朋友話要等多陣，佢要係尖沙咀開個會先。好啦，想去咖啡店坐下嘆杯咖啡，點知附近兩間都排哂長龍，有冇咁誇張呀，四點鐘應該未到下班時間架喎，咁多人排到都唔會有位俾你坐啦。正諗緊去邊好，眼尾見到前面有間大家樂，望下，咦仲有好多位喎，於是決定買杯野飲入去坐啦，點知... 個下午茶餐牌都好吸引下啫，西多士配紅豆冰，呢個魔鬼致肥組合，細個最鍾意食架喇，價錢仲平過隔離一杯咖啡，好，一於放肆一次，食完先再減啦！