豪園麵家 (已結業)

今晚同太太去開黃大仙探人,探完都7點幾就去食晚飯，行到去現崇山揾野食，在外圍見到間叫豪園餐廳，餐廳戶外都有座位，環境清靜開揚，秋涼坐都好舒服，不過我地無坐戶外坐裹面。餐廳食物款式多，看了心大心细。因為有個餸好特別，叫拔絲䌫角骨，而且踉套餐有蠔仔肉碎粥和菜，組好健康。蠔仔粥好足料，蠔仔又大隻又肥美，粥底好鮮甜，方鱼有多， 真係好鮮甜。個拔絲䌫角骨味道好特別，拔絲甜甜地，䌫角骨香口又惹味。後加了杯紅豆冰，大大杯，紅豆好大粒，又甜又林身，是傳統紅豆冰。