新光酒樓火鍋 (已結業)

難得有時間跟媽媽飲茶，今次來了屋企附近的<<新光宴會廳>>。 呢度其實面積唔大，但就好多老人家鍾意來，好多時都會爆場。 一睇張早茶紙就知$4.8有鯪魚球。最平$17.8就有孖寶揀。 叫左兩個孖寶，第一個揀左<<潮州粉果>>及<<七彩炒米粉>>，潮州粉果冇野挑剔，呢個價錢十分抵食。 雖然炒米粉賣相麻麻，但係入口都幾爽。 <<上湯水餃>>賣$13.8大大碟，水餃皮薄餡靚夠大隻。 <<蟹籽燒賣皇>> $16.8，一籠四粒，蟹籽絕對唔少，入口啖啖肉又夠鮮。 另一個孖寶$17.8，揀<<原籠馬拉糕>>，入口鬆軟 配搭是<<冶味雞包仔>一籠三個，皮多軟又熱辣辣。