影片
更多
2018-07-30
2307 瀏覽
係茶居町餐廳的門口就見到好日式的感覺🇯🇵，有日本木屋既感覺，係門口睇已經覺得好吸引，門口仲擺有宇治綠茶的圖片，個賣相都非常吸引😍😍一入去茶居町，店員安排左我地坐係bar枱，大約7:00pm入面都坐滿左大半間，一坐低就有杯蕎麥茶，涼涼地，茶味濃濃地，好適合夏天飲🏖，係消暑幾好既選擇店內既環境都幾闊落，同埋好乾淨，成間舖都係用木設計，而且張凳都坐得好舒服，好適合返工返到好攰既上班族，過黎嘆下👍🏻店員之後比個menu比我，一個丼飯都係六十幾七十蚊，係一個幾平民既價錢，仲有一啲咖喱選擇，都係40至60蚊一個，都適合一家大細去試下👨👨👧👦，仲有其他小食，前菜，甜品意粉選擇🍰，價錢都唔貴我今次就選擇左一個汁燒秋刀魚丼飯同埋一個提子梳打，係order完之後，就會送上一個麵豉湯，入面都有幾種配料，分別有豆腐，海帶，白蘿蔔同埋豆卜，個豆卜好入味，入曬麵豉湯味，個湯都幾濃，幾足料，同係日本飲個啲都差唔多味😋飲完碗湯就會即刻上主食，呢間餐廳上菜既時間都幾快，而且個秋刀魚丼飯既賣相唔錯，同餐牌上面幅圖冇乜太大既分別，條魚係成大條，分量勁多，條秋刀魚上面有日本燒汁，之前食過好多間日本菜啲燒汁都好少，但係呢
一入去茶居町，店員安排左我地坐係bar枱，大約7:00pm入面都坐滿左大半間，一坐低就有杯蕎麥茶，涼涼地，茶味濃濃地，好適合夏天飲🏖，係消暑幾好既選擇
店內既環境都幾闊落，同埋好乾淨，成間舖都係用木設計，而且張凳都坐得好舒服，好適合返工返到好攰既上班族，過黎嘆下👍🏻
店員之後比個menu比我，一個丼飯都係六十幾七十蚊，係一個幾平民既價錢，仲有一啲咖喱選擇，都係40至60蚊一個，都適合一家大細去試下👨👨👧👦，仲有其他小食，前菜，甜品意粉選擇🍰，價錢都唔貴
我今次就選擇左一個汁燒秋刀魚丼飯同埋一個提子梳打，係order完之後，就會送上一個麵豉湯，入面都有幾種配料，分別有豆腐，海帶，白蘿蔔同埋豆卜，個豆卜好入味，入曬麵豉湯味，個湯都幾濃，幾足料，同係日本飲個啲都差唔多味😋
飲完碗湯就會即刻上主食，呢間餐廳上菜既時間都幾快，而且個秋刀魚丼飯既賣相唔錯，同餐牌上面幅圖冇乜太大既分別，條魚係成大條，分量勁多，條秋刀魚上面有日本燒汁，之前食過好多間日本菜啲燒汁都好少，但係呢間係覆蓋曬成條魚上面，拎黎送飯又得👍🏻👍🏻 講到啲飯，啲飯係北海道銀飯，粒粒分明，食落好煙韌，少少黏黏地，幾有口感，配住條魚食真係好搭
個飯係用類似日本既飯盒裝住，另外一格有蛋，海帶同埋一粒綠茶糯米糍作飯後甜品，個海帶酸酸地，配埋飯係幾開胃，有類似前菜的功用，有埋綠茶糯米糍呢個甜品。基本上你叫一個餐，就可以滿足晒你所有嘅期望，有前菜，主菜，甜品，在叫多個飲品就圓滿了😋😋
個提子梳打就係碳酸罐裝飲品，非常解渴
另外，有個加分既位，就係店員好細心同埋服務態度好好，我地一開始將個袋擺喺大脾上面，冇發現枱邊有個掛袋嘅勾，店員睇到之後即刻提醒我哋
整體來講，呢間鋪都幾值得大家去試下，無論係服務態度，食材，食物質素，環境等等方面都唔錯，都值得我地去食多次😋😋
張貼
