今日放工落咗少少雨，天氣凍凍地😶🌫️
行幾步就到屋企附近熟食中心嘅文哥廚房
即刻沖入去搵暖粒粒嘅煲仔飯🤤！
【原煲臘味飯】
個煲一上枱香到暈！臘腸同臘肉肥瘦均勻，油脂滲晒入飯度，飯粒吸晒鹹香同酒香，飯焦脆卜卜唔會黐牙，撈埋啲醬汁，食到一粒都唔剩！
【油鴨髀煲仔飯】
油鴨髀大件到覆蓋成個煲！肉質緊實唔鞋，鹹香帶少少油潤，咬落juicy，飯粒吸晒鴨油同醬汁，一個人食一煲完全冇問題🥰！
【烚油菜+28】
炒芥蘭超大碟！芥蘭夠嫩唔會老，鑊氣十足，爽口解膩👌
【啫啫雞煲】
上台嗰陣「啫啫」聲超療癒！雞肉同豬潤好多又大件，炆到軟滑入味，醬汁鹹香帶少少甜，小洋葱同吸晒肉汁，配飯食真係好滿足🍚
街坊舖真係抵到爛，分量足料又夠味！
免茶位仲唔使加一！嗌到成枱嘢都係二百幾蚊！
超級推！
1
