一君士多 (已結業)

飲飲食食有邊個唔鍾意，我哋呢啲大胃王又點會唔鍾意去食嘢，尢其係一D平民美食更加要去品嚐一下，食得經濟實惠又可以滿足一番食慾，早排行開尖沙咀見到呢間食車仔麵檔就入左去原來除左有車仔麵食之外，仲有其他特色美食提供，我同朋友仔每人都點左碗麵，分別有招牌霸王麵同車仔麵品嚐一下咁梗係有D分別，而且飯後仲可以食埋甜品我就最鍾意呢樣，呢D咁熱嘅天氣最啱飲杯龍眼冰解解渴先來有限定小食沙嗲燒雞肉串，入口啖啖肉加上惹味醬汁食得滋味，等左陣終於輪到我地車仔麵同霸王麵出場講賣相當然係霸王麵啦，材料十足之餘有齊各種海鮮鮑魚，廣島蠔，花膠，帶子同花菇配埋個特濃豬骨湯，飲啖湯底味道鮮甜，再食件廣島蠔鮮味十足，花膠香嫩滑溜食到滿口都係鮮味，至於車仔麵係配搭方面真係夠晒多元化口味，保証可以食到心愛嘅車仔配料，牛腩同牛筋肉質軟硬適中口感飽滿又香滑，再食粒彈牙墨魚丸正最後又到甜品環節有香蕉成熟船，配兩球雪糕有荔枝同曲奇妙趣，又食到蛋味香甜格仔餅咁又享受一餐街頭平民美食。