滿堂樂滬京風味 (已搬遷) 新店位置

再走到紅磡尋找美食，今日就走落舊區食學生時代既早餐，想當年食粢飯豆漿係因為方便，又飽肚，今日食係因為…….米芝蓮😌真心唔起眼既小店，以前一段時間係紅磡返工，從來都無留意過，原來已經經過好多回。坐到去入當然叫返個粢飯加咸豆漿，另外再叫碗水餃雲吞麵配甜豆漿。食既就係咁簡單，無花巧。所以大部分街坊都係外賣就走。🍙粢飯係即叫即包，熱辣辣，裏面既肉鬆乾身，油炸鬼又保持到形狀，唔會淋左，炸菜同肉鬆既味道同埋糯米飯食啱啱好，包起上嚟又唔會好實。🥛再拼埋咸豆漿，濃濃豆香重有d豆渣，比甜豆漿更濃郁啲，加上蔥花、櫻花蝦同切開既油炸鬼，少少似淨粥水咁，比足夠能量應付一日。🥟🍜水餃雲吞上海麵 - 水餃雲吞各3隻，雲吞仲有韭菜或津白揀，我揀左津白，係上海雲吞黎，皮滑，餡料正正常常，不過煮耐左d，對我嚟講過左時間，麵身唔算粗，有啲雪菜，但如果唔溝埋一齊食就比較淡口。🥛甜豆漿 - 唔算好甜，可能飲左咸豆漿，甜豆漿既豆味弱左。