小嵐山 (已結業)

雖然啱啱去完日本，但對日菜念念不忘。所以今日同友人放工又去食日菜。餐廳環境唔錯中間位置仲有大大幅嘅浮世繪，和風出哂嚟今次幫襯居然送咗個兩客嘅免費小食，係帆立貝剌身，都幾鮮美。壽司類方面，叫咗個火炙帆立貝壽司，不過不失，如果加點沙律醬會更好。白身三品盛有油甘魚、劍魚腩同左口魚三款。款款都係咁肥美，有魚油香，油甘魚同劍魚腩份外大條。比想像中大份嘅芝士軟殼蟹卷。入面除咗有軟殼蟹仲有芝士春卷，所以特別脆。上面仲有蟹柳飛魚子同蟹膏，超級邪惡。小食方面，叫咗個燒牛舌，份量多，厚身，有牛香，唯獨肉質腍d會較好。串燒冬菇上面加咗蒜頭醬，份外香口。串燒雞腎好豐富嘅三文魚頭野菜鍋。有好多唔同款嘅蔬菜如冬菇、小棠菜、粟米、椰菜、大葱等。三文魚頭亦都有幾舊，雖然浸住湯但肉味都有保持到。炸芝士年糕剛炸好就上所以夠熱，外脆內軟，個芝士流心好正。