小豆島日本料理 (已結業)

哩間小豆島我食過好多次，質素有時真係差好遠，之後俾我發現大時大節嗰陣食質素係最好，可能入得多貨啦，魚生大大片，人少嘅日子好多時候都會成碗頭頭尾尾，什至賣晒。今次我係平日食，所以唔係最好嘅時候，不過可能係午餐時段仲早，所以都唔算差。哩個好似係最近新餐牌嘅新菜式，大份飽肚，壽司一般，但刺生唔錯，三文魚夠肥夠厚，仲有劍魚都係啖啖油脂，正👍🏻蝦就麻麻地哩個係我最常食嘅，80幾蚊嚟講真係超高水準，呃得下人，似足百幾蚊一碗嗰啲日式料理餐廳水準，但佢只係80幾，真係好抵👍🏻👍🏻👍🏻👍🏻👍🏻真心推薦大家試下，但記得想食好野就唔好怕人多，要喺人多嘅日子嚟食😂😂