北海道活壽司 (已結業)

嗰日行到好攰，見到呢一間壽司舖，引起我嘅好奇心就衝左入去食啦。入到去之後發現好有日本嘅風味，但係因為限聚令期間，令到間餐廳嘅日本風味有啲奇怪。坐低之後，就好興奮咁叫嘢食，我哋叫咗好多件壽司同埋一個壽喜燒鍋❣️佢哋會保持左日本嘅風味，會有廚師喺前面製作壽司，亦都會有個位置比佢哋直接上菜係你面前。食完之後覺得啲壽司都幾好味，而且價錢都唔係特別貴，絕對符合到喺學生嘅時期都想食日本料理嘅想法。佢哋啲壽司用料都唔孤寒，雖然價錢比較平，但係佢嘅質素都係絕頂好食！唯一有少少美中不足嘅就係個壽喜燒真係好迷你，但係可以用一個平價版就可以嘗試到呢一種料理。而且佢個湯底都十分有誠意，連啲餸都係擁晒上嚟，連個煲都裝唔落。