影片
更多
2025-04-06
143 瀏覽
我同老細都係日式拉麵控，今次試咗尖沙咀嘅「味吉長龍」。佢店面唔大，紅色裝修好有傳統日式拉麵店feel，一入去就聞到濃濃嘅豬骨湯香味，即刻餓晒！ 佢哋嘅湯底可以自選海鹽、醬油或味噌，連麵嘅硬度都有得揀，我同老細分道揚鑣，佢叫咗「慢煮叉燒豚足濃清湯拉麵」，揀海鹽清湯～上枱真係嚇親，成隻大豬腳舖喺麵上，炆到超淋，啜落去滿口骨膠原，老細食到舐舐脷，食完個嘴黏晒，骨膠原感滿滿，佢話當做咗次美容餐😂。我就試咗「白松露慢煮叉燒濃清湯拉麵」，醬油湯底好平衡，白松露香氣攻鼻，溏心蛋流心程度完美，麵質揀咗硬身，掛湯力啱啱好，口感一流！ 加$38轉咗套餐，小食揀咗「高麗菜沙律」同「魷魚豚肉煎餃子」。沙律新鮮脆口，中和返拉麵嘅濃膩；煎餃有魷魚粒，彈牙到不得了，煎得金黃脆底，抵讚！飲品係日本直送果汁，唔係求其罐裝嘢，加分～ 雖然叫長龍，其實唔使排長龍🤭🤣又食到足料拉麵，尖沙咀區嚟講，性價算比唔錯，下次會再encore！
我同老細都係日式拉麵控，今次試咗尖沙咀嘅「味吉長龍」。佢店面唔大，紅色裝修好有傳統日式拉麵店feel，一入去就聞到濃濃嘅豬骨湯香味，即刻餓晒！
佢哋嘅湯底可以自選海鹽、醬油或味噌，連麵嘅硬度都有得揀，我同老細分道揚鑣，佢叫咗「慢煮叉燒豚足濃清湯拉麵」，揀海鹽清湯～上枱真係嚇親，成隻大豬腳舖喺麵上，炆到超淋，啜落去滿口骨膠原，老細食到舐舐脷，食完個嘴黏晒，骨膠原感滿滿，佢話當做咗次美容餐😂。
我就試咗「白松露慢煮叉燒濃清湯拉麵」，醬油湯底好平衡，白松露香氣攻鼻，溏心蛋流心程度完美，麵質揀咗硬身，掛湯力啱啱好，口感一流！
加$38轉咗套餐，小食揀咗「高麗菜沙律」同「魷魚豚肉煎餃子」。沙律新鮮脆口，中和返拉麵嘅濃膩；煎餃有魷魚粒，彈牙到不得了，煎得金黃脆底，抵讚！飲品係日本直送果汁，唔係求其罐裝嘢，加分～
雖然叫長龍，其實唔使排長龍🤭🤣又食到足料拉麵，尖沙咀區嚟講，性價算比唔錯，下次會再encore！
張貼
