十兄弟車仔麵 (已結業)

琴日灣仔放工一個人去左附近呢間十兄弟車仔麵食晚餐，叫左一碗食神嗱喳麵同炸雲吞，一碗麵加一個小食埋單都唔洗一百蚊，灣仔黎講好抵食！首先講下碗食神嗱喳麵先，一碗價錢就$59，有5個配料，有醬爆瀨尿牛丸，香辣豬紅，清甜蘿蔔，鮑汁魚肚，香辣玻璃魷魚，一黎就試左個蘿蔔，煮得好軟，清甜入味，仲有配埋辣菜脯👍夾埋個麵食好開胃！而小食就試左個炸雲吞，一碟就$38，份量都幾多，兩個人黎食可以叫黎share！個皮炸得好脆口，餡多，配埋個泰式辣醬好夾！總括黎講，呢間十兄弟車仔麵真係幾抵食，食到好滿足，埋單都唔洗一百蚊，可以再戰！