牛壹台食 (已結業)

一入到間餐廳就好有台灣既感覺，雖然地方唔算大，但幾有特色。舖頭牆身貼咗夜市燈籠既牆紙，就好似置身九份咁。木製既枱櫈好配合成間餐廳既主題，而近門口亦有幾盞波波吊燈，感覺幾舒服。 香芋鮮奶茶呢杯野簡直充滿兒時回憶，入口果一啖，就感受到濃濃既三色雪糕芋頭味，係100%還原呢種久違既味道，估唔到竟然係呢度可以搵得返。甜度岩岩好，唔使擔心會太甜，正。百香果綠茶淡淡既百香果清香配上綠茶，唔想飲太heavy既飲品就岩哂啦。麻辣雞腎雞腎夠爽，麻辣味道好分明，小小辣之餘又食得出麻既味道，我唔算好食得辣，但呢個辣度岩岩好，而且份量都唔算少，作為開胃小食好唔錯。古早味滷肉飯雖然佢個賣相無乜特別，但原來平凡既野，味道先最紮實。個飯好有台灣街頭小食既風味藥膳花雕雞絲湯刀削麵呢個真係要強烈推介，侍應離遠拎碗麵過黎已經聞到好香、而且有好重既藥材味。識食麵就梗係試下佢個湯先，個湯底好濃，一飲就知道佢落足料。啲雞絲又係另一個驚喜既地方，鮮嫰既雞絲吸收哂個湯底，一食就食到濃濃既藥膳味，超正。至於個刀削麵，睇得出佢唔係平時舊式山西麵舖即削既刀削麵，但反而我覺得無咁滯之餘，仲會吸收多D 湯汁，係另一個風味。