宮葉 パフェ (已結業)

同朋友每隔個2星期都會經過牛頭角果邊做Facial，今日做完之後已經7點幾，就隨便係附近搵間野食。最近就係呢間，所有就入咗去。我地3個人每人叫一個餐~啊！唔記得講呢間餐廳都有做賣埋外買水果茶，而堂食只要加$8就有水果茶飲。我地分別叫咗燒三文魚丼、燒鰻魚丼，同埋蕎麥冷麵(唔包野飲)。如果想飲普通野飲例如氣水就要加$5先唔講野食，講價錢，我地除返開只係每人大約比$50蚊(唔洗加一)。呢個價錢係算幾平民化，幾好～。我仲叫咗杯藍莓乳酪果茶，都幾大杯，仲好多生果，味道都幾好飲，好有乳酪味，唔會太甜～見到佢仲有好多甜品同水果茶都好吸引！下次經過果邊都會再去食！食物放面，我果個燒三文魚丼份量都幾多，細食嘅人真係未必食得哂。而且舊三文魚唔會話好細 食起上黎都幾好味，有果種鹽燒嘅味，唔會燒到好老。我都試咗一小啖蕎麥冷麵 ，味道淡咗D， 不過唔算話冇味咁樣所以都OK而燒鰻魚丼睇落得幾片鰻魚有D少，不過咁嘅價錢就算啦。我試咗少少，味道方面就正常。