串過鷄 (已結業)

觀塘越嚟越多新商場，食市來來去去千律一篇，今日去咗試下街坊老店，亦都因為佢個名而吸引我去試，叫做 串過雞，我以為佢主打食串燒，原來係午餐，下午茶都係用雞做主打（仲要係皇牌），串燒係晚市先有。我大慨下午茶時間入座，睇到餐牌見到有蟲草花雞米線，吸引我去試，仲有涼拌一口花膠，用平民嘅價錢食到花膠👍🏻👍🏻食物好快上枱，蟲草花雞米粉，湯底係用雞熬煮，好好味，蟲草花口感軟身，雞肉好滑身，米粉幼細涼拌一口花膠，份量多，佢係用涼拌製法來醃花膠，花膠大大舊，口感爽口，但偏辣，啱晒食辣嘅朋友。涼拌木耳，木耳份量多，入口爽脆，但偏辣，食唔停口。侍應見我想食串燒（非常貼心服務），特登燒了一串雞肉比我試，雞肉細細舊易入口，雞肉燒得好juicy，唔會乾身，加上佢秘製嘅調味料，食落酸酸甜甜，下次一定要試串燒，抵讚！