影片
更多
2017-11-05
802 瀏覽
光頭友人約食飯，佢話想食潮州菜，我對潮州菜可說是又愛又恨，愛嘅係作為潮州人，自少都常吃潮州美食，對潮州菜有一份感情；恨的是出去食潮州菜，往往都失望而回，很多所謂的潮州菜館，其實食落都係加左份港味喺入面。最後都順從友人，去左呢間位於佐敦的潮州飯店，姑且一試當晚大家都唔想費神點菜，見到個$780的商務套餐幾唔錯，有我最想食的炒麵線同潮州翅，所以就點左呢個，加多個蠔烙。紅燒潮州翅，唔好以為係套餐就會揸流灘，呢個翅份量十足，翅身粗，湯頭夠味，讚鹵水双拼，我地揀左鹵水鵝同墨魚片，食得出個鹵水幾香，鵝片肉厚爽口，唔係出面啲咬落去又鬆又鞋的所謂打冷鵝片可比。咸菜白鱔片，其實我屋企一向都係用門鱔去做呢道菜，佢哋選用白鱔可能基於賣相的考量，但做出黎效果絶不遜色，白鱔咬口彈牙，肉質新鮮，鱔的鮮味亦被咸菜完全帶左出黎，係一味做得很出色的菜色成個Pizza咁的潮州蠔烙，首先蠔的大小同份量都交足功課，亦不會煎得過燶，同樣地看出廚房烹調的功力，唯一要挑剔嘅係今晚的蠔，鮮味比較淡了一點食潮州菜我自己一定會叫炒麵線，除左係自己喜歡的菜色外，其實呢味簡單的菜，可以食出呢間餐廳究竟係用心定hea做潮州菜。今晚呢個麵線係我
當晚大家都唔想費神點菜，見到個$780的商務套餐幾唔錯，有我最想食的炒麵線同潮州翅，所以就點左呢個，加多個蠔烙。
紅燒潮州翅，唔好以為係套餐就會揸流灘，呢個翅份量十足，翅身粗，湯頭夠味，讚
鹵水双拼，我地揀左鹵水鵝同墨魚片，食得出個鹵水幾香，鵝片肉厚爽口，唔係出面啲咬落去又鬆又鞋的所謂打冷鵝片可比。
咸菜白鱔片，其實我屋企一向都係用門鱔去做呢道菜，佢哋選用白鱔可能基於賣相的考量，但做出黎效果絶不遜色，白鱔咬口彈牙，肉質新鮮，鱔的鮮味亦被咸菜完全帶左出黎，係一味做得很出色的菜色
成個Pizza咁的潮州蠔烙，首先蠔的大小同份量都交足功課，亦不會煎得過燶，同樣地看出廚房烹調的功力，唯一要挑剔嘅係今晚的蠔，鮮味比較淡了一點
食潮州菜我自己一定會叫炒麵線，除左係自己喜歡的菜色外，其實呢味簡單的菜，可以食出呢間餐廳究竟係用心定hea做潮州菜。今晚呢個麵線係我地食得最開心的一道菜，炒麵線第一個最基本要求係要炒得乾身，聽落好簡單，但香港好多所謂的潮州菜館係做不到的。呢個麵線，乾身，爽口，味道調得恰到好處，唔會過咸，一道完全交出廚房師傅功夫和誠意的菜色，完美
單尾甜品蛋白杏仁茶，口感滑而杏仁味香，唔太甜正合我意，食得很舒服的一道甜品
香港的潮州菜館開到成行成市，但真係做得好的其實不多，呢間用一個合理價錢做出美味正宗的潮州菜，絶對值得支持
張貼
