影片
更多
2019-05-29
1150 瀏覽
同朋友行開海港城，在無印出面見到有間日式料理店，就決定食呢間。由於無訂檯，餐廳入面既位full 哂，只能安排我地坐餐廳出面既檯。雖然睇唔到餐廳設計係點，但出面勝在夠開揚，坐得都舒服既。中午有三個set 選擇，以京都地下鐵站命名，清水set($158), 伏見set($198),祗園set($288),三個set 都有前菜8款，飯、漬物同味僧湯。 清水和祗園有自選燒物（魚/豚/牛，有d 要另加錢），伏見就有茶漬飯。 我地揀左伏見set,因為多d 野食。 成個set 望落好豐盛呀！不過大肚既我就只係剛飽，好想再食多d野。好恐怖. 前菜有鮭魚籽冷菜碗蒸、胡麻豆腐、茄子脆米炸物、菜揚帆立貝、魷魚配柚子醋、青瓜醋唐揚雞、吞拿魚油漬壽司、蜜煮山桃。 由於太肚餓，好快就食哂八款前菜，都冇好好品嘗味道。旬野茶椀物就比較清淡，有冬菇、蘿蔔、秋葵，可能比客人清一清前菜既味道先。蟹肉鰻魚蛋卷好好味呀，冇諗過佢地味道咁夾。燒物加錢轉左西京燒，銀鱈魚香甜，質感嫩滑，送哂成碗白飯。 朋友都係伏見set但燒物轉和牛，和牛燒得剛好，有口感之餘不至鞋口。 清水set 甜品同抺茶要加$30， 但祗園set 已包埋。 超鐘
中午有三個set 選擇，以京都地下鐵站命名，清水set($158), 伏見set($198),祗園set($288),三個set 都有前菜8款，飯、漬物同味僧湯。 清水和祗園有自選燒物（魚/豚/牛，有d 要另加錢），伏見就有茶漬飯。
我地揀左伏見set,因為多d 野食。
成個set 望落好豐盛呀！不過大肚既我就只係剛飽，好想再食多d野。好恐怖.
前菜有鮭魚籽冷菜碗蒸、胡麻豆腐、茄子脆米炸物、菜揚帆立貝、魷魚配柚子醋、青瓜醋唐揚雞、吞拿魚油漬壽司、蜜煮山桃。 由於太肚餓，好快就食哂八款前菜，都冇好好品嘗味道。
旬野茶椀物就比較清淡，有冬菇、蘿蔔、秋葵，可能比客人清一清前菜既味道先。
蟹肉鰻魚蛋卷好好味呀，冇諗過佢地味道咁夾。
燒物加錢轉左西京燒，銀鱈魚香甜，質感嫩滑，送哂成碗白飯。
朋友都係伏見set但燒物轉和牛，和牛燒得剛好，有口感之餘不至鞋口。
清水set 甜品同抺茶要加$30， 但祗園set 已包埋。 超鐘意食呍呢拿大福，好香牛奶味，食落又煙韌，紅豆大福都唔算甜，比較硬身少少。 唉，聽左個侍應話食完大福先再飲茶，杯茶苦到飲唔到。 其實應該食一啖大福送一啖茶會好d 囉。
張貼
