Pasta Zone (已結業)

講起意大利菜，除了意大利粉和意大利雲吞為人熟悉，價錢亦都有番咁上下，稍有質素的食物動輒都要上百元，而最近終於在觀塘發現平民價的意大利菜。中午來到駱駝漆大廈搵食，這邊除了是個購物聖地，亦開了不少餐廳。餐廳的感覺似商店與餐廳的混合，凍櫃上擺有各種意大利粉，火腿，醋等食材可供購買。除了常見的長通粉，寬條麵和雲吞；貓耳朵，手工薯仔都有新鮮感。餐廳吃的是地道意大利食物，但價錢一點也不貴，午市價錢都是 $68-$75 之間已經有餐包，主食和飲品，貼近一般餐廳的價錢。熱辣辣的餐包邊位稍有咬口，中間鬆軟，會配以意大利醋，酸酸地，非常開胃。意大利手工薯仔 和 辣腸西西里辣汁雖然賣相感覺與一般薯仔無異，但試過以後絕對會改觀。手工薯仔沒有預期的香腍口感，反而煙煙韌韌，有咬口，口感類似年糕。辣腸西西里辣汁唔會太辣，但足以豐富手工薯仔的味道。檸檬汁不似平時飲到的檸檬汁，沒濃縮的感覺，又不會太酸，入口非常舒服，有驚喜，值得推介。就地道意大利食物而言，以這個價錢可以食到絕對是超值，相信餐廳地點絕對是一大因素。同樣的食物在中環，至少也要百多元才吃到。唯一可惜的是，餐廳暫時只供應午市。