影片
更多
2010-05-06
14 瀏覽
呢間麵店開張不久時，我地一家人曾經幫襯過，記得上次嚟嘅時候係星期日嘅午飯時間，店員服務也不錯，只可惜我地上次本來想點選佢出名嘅牛坑腩麵，但店員話啲牛腩未煲腍，叫我地改選魚片頭或其它麵食，所以始終和牛坑腩緣慳一面。近日經過太古地鐵站，接過幾次呢間麵店派發嘅宣傳單張，見佢有下午茶餐供應，好似幾抵食咁，既然上次到訪此麵坊已事隔大半年，今日就決定同老公再一嚐此不添加味精的麵店美食。 下午茶餐其實只有三款配料選擇，包括牛脷，雞扒同豬扒，每款 $20, 自選粉麵有幼麵、粗麵、河粉、米粉、油麵、鴛鴦粉等，而加 $10 就可點選飲品一杯及小食一客。因為小食只有豆腐和青瓜選擇，老公唔係咁喜歡，所以就無加錢要飲品和小食了。牛脷粗麵 --- 厚切嘅牛脷頗腍，但有輕微嘅羶味，而且一碗只得三塊，反而碗麵幾大碗，可惜啲粗麵淥得過淋，影響口感雞扒油麵 ---呢個反而幾好，啲雞扒好明顯係煎過嘅，所以頗香口，油麵淥得啱啱好， 麵質比起粗麵爽口，非常唔錯埋單只是平民價 $40, 既然標榜不含味精，我倆就連啲麵湯都飲埋，事後亦一點也不覺得口渴啊！
近日經過太古地鐵站，接過幾次呢間麵店派發嘅宣傳單張，見佢有下午茶餐供應，好似幾抵食咁，既然上次到訪此麵坊已事隔大半年，今日就決定同老公再一嚐此不添加味精的麵店美食。 下午茶餐其實只有三款配料選擇，包括牛脷，雞扒同豬扒，每款 $20, 自選粉麵有幼麵、粗麵、河粉、米粉、油麵、鴛鴦粉等，而加 $10 就可點選飲品一杯及小食一客。因為小食只有豆腐和青瓜選擇，老公唔係咁喜歡，所以就無加錢要飲品和小食了。
牛脷粗麵 --- 厚切嘅牛脷頗腍，但有輕微嘅羶味，而且一碗只得三塊，反而碗麵幾大碗，可惜啲粗麵淥得過淋，影響口感
雞扒油麵 ---呢個反而幾好，啲雞扒好明顯係煎過嘅，所以頗香口，油麵淥得啱啱好， 麵質比起粗麵爽口，非常唔錯
埋單只是平民價 $40, 既然標榜不含味精，我倆就連啲麵湯都飲埋，事後亦一點也不覺得口渴啊！
張貼
