平民扒房@友蠔食 (已搬遷) 新店位置

平民扒房係試業中，所以試下佢d扒餐。呢度除左有扒餐食之外，仲可以單叫蠔食添。而且一人晚餐就多個蕃茄或烏冬、蠔同埋一碗餐湯。跟餐就可以平d跟飲品，如果唔係就要原價叫飲品。胡麻醬冷蕃茄原隻蕃茄上，加埋胡麻醬，好fresh。而蕃茄上仲有d焦糖脆片，幾特別。白汁芝士焗蠔即叫即焗，好香同埋好新鮮，食落唔會覺得腥，值得一叫。我地叫左個甜酸醬脆炸大雞脾，隻雞脾真係非常大份，非常多肉。原份鐵板上，雞脾肉質幾滑，所以唔洗驚好鞋。跟雞脾我地就跟左薯條，薯條夠粉，幾正。另外，我地叫左俊男牛扒配洋蔥汁，初頭以為得一塊牛扒，點知原來有2塊牛扒，非常抵食。牛扒薄薄地唔會好鞋口。而牛扒都有肉味。咁今次就配左雜菇，有雞脾菇、冬菇同白菇，幾抵食。