君戶鍋貼大王 (已結業)

想喺灣仔食到平嘢其實都唔係咁容易，今日口痕痕想食上海野但又唔想食咁貴，搵到呢間平價上海小食鋪頭，真係正一個人食但係立立雜雜乜嘢都想食，咁黎就就冇錯啦<鍋貼$3.5@>叫咗兩隻鍋貼食，比起平時八方雲集食嘅大粒少少，新鮮煎出嚟熱辣辣，都幾好食<生煎豬肉包$10>新鮮豬肉包好大個，有成隻手掌咁大，唔想食飯叫個豬肉包食就啱晒啦，食完之後到三成飽豬肉包唔算皮薄，不過麵包煙煙銀銀都幾好食，豬肉餡都算係足料<凍豆腐花$13>豆腐花都係不了，完全冇豆腐味真係麻麻地，食咗幾啖就放棄左，下次唔會再叫