譚仔三哥米線 (已搬遷) 新店位置

過去食過好多間不同既譚仔，感覺都大概保持到水準，唯獨呢一間，試唑３次都係遠遜於其他分店。首先係，最鍾意食既土匪雞翼，食三次，三次都係得塊皮有陣咸＆「火農」味，而唔係其他分店果種湧出唻既香氣！裏面Ｄ肉仲一Ｄ味都冇，簡直就係拆招牌菜。米線，個湯底（麻辣５小）咸多過辣，味精極濃；配料都係偏咸，食過雞肉牛肉豬肉豬腩肉，全部都咸。凍檸茶，冇乜特別，快餐貨色。服務，冇服務可言。而且食晏時間永遠都係好逼夾，坐得極不舒適。試過有次叫我轉枱，一向都唔介意，但佢叫我去張根本坐唔落既枱仔真係太唔合理。仲要轉完枱，佢Ｄ單全部都冇幫我轉，Ｄ野轉來轉去都未唻到我度，雞翼仲落唑之前張枱，要重新做過，遲唑好多先到……呢間分店，真係唔好亂試。