新明苑宴會廳 (已結業)

放假，到了銀行入下票，打下薄咁，見未食晏不如飲個下午茶，到了新明苑，原來下午茶一點半已開始，平日星期一至五茶錢三蚊位，嘩，平！撘枱好快有位，下午茶大中小點$11.8，不考慮太多，就劃點心紙啦。羅漢齋腸粉 (大點)腸粉幾滑，入面包住啲粟米，西芹，冬菇粒咁，不多餡，勝在有甜豉油，都幾好味。鵪鶉蛋燒賣 (中點)好似上次都有食，舊肉細左，但多左蝦，調味幾好。珍珠雞 (大點)今次蒸得幾好，無一打開就爛哂。餡都係無乜㗎啦，得啲汁，少許豬肉絲，半隻蛋黃，各樣都幾好味嘅，但個蛋黃壞了，一鼓怪味。今次撘枱的茶客同樓面很熟，所以加水，收碟都好勤快，如果平時都係咁嘅服務態度就好了。PS埋單$42，真係平到笑。