平成 (已結業)

我覺得呢間野好有特色!叫左2樣野食同一杯飲品。蟹膏蟹肉拉麵好豪華呀!用蟹膏撈,面頭鋪滿左蟹肉,有創意又好味!係其他地方冇咩點食過呀!另一樣就係八爪魚大版燒,份量十足,面頭仲有紫菜同埋木魚,好好味!一路食,一路以為自己返左大版!好有關西既感覺!而飲品係青檸巨風提子梳打,唔會過甜又好有個人既賣點,提子梳打就成日見,加埋青檸好少見!有自己特色既食物令人印象好深刻!同埋呢度既擺設好有風格。呢度近MTR,可以多來呀我!