影片
更多
2016-12-19
334 瀏覽
去完日本旅行仲好掛住日本嘅風味連鎖店嗰啲又做得唔係好似日本食到果啲上網搵咗一陣，發覺依間比較近似而且仲係廚師發辦，之前想食好耐但搵到個啲地點都唔係咁方便，依家灣仔竟然開咗間所以宜家收工過左嚟食環境好有日式風格、 餐牌亦都好簡約分別有分櫻都、正葵、丹楓、祥鶴我地選擇左十五種加卷物既「丹楓」坐低冇耐， 店員為我地奉上前菜分別係黃蘿蔔、牛蒡、紅酒蕎頭紅酒蕎頭酸酸地，好醒胃，好爽口食完前菜清一清個口腔，跟住就食沙律胡麻沙律份量都幾多，材料十足菜都好新鮮，麻醬夠多，拌勻食好好味北海道真蠔一啖食落去，同一般既汁好唔同佢用左檸汁、柚子皮食落酸酸咁，幾重海水味，同埋肉質豐厚好肥美店內每樣刺身都係用日本製嘅白木盒裝住師傅解釋話用木盒裝住，可以防止倒汗水影響刺身原有嘅味道深海池魚魚肉切得好薄，品瑩通透口感好嫩滑新鮮金線鯛肉質比較稔身，食落有啲似甜蝦既質感味道偏淡，所以配埋薑蔥食岩岩好芽蔥即是最幼既蔥將黑曹以卷住海膽同芽蔥精緻得黎，芽蔥唔會嗆過海膽嘅味道白子（鱈魚精）師傅用火槍燒過，令白子表面更香配以即係（酸汁豉油柚子檸檬，木如花，昆布）再一齊食醬汁好好味，白子亦好滑身煮物煮物就係深海池魚頭用濃郁嘅醬汁煮菠
連鎖店嗰啲又做得唔係好似日本食到果啲
上網搵咗一陣，發覺依間比較近似
而且仲係廚師發辦，之前想食好耐
但搵到個啲地點都唔係咁方便，依家灣仔竟然開咗間
所以宜家收工過左嚟食
環境好有日式風格、 餐牌亦都好簡約分別有分櫻都、正葵、丹楓、祥鶴
我地選擇左十五種加卷物既「丹楓」
坐低冇耐， 店員為我地奉上前菜分別係黃蘿蔔、牛蒡、紅酒蕎頭
紅酒蕎頭酸酸地，好醒胃，好爽口
食完前菜清一清個口腔，跟住就食沙律胡麻沙律
份量都幾多，材料十足
菜都好新鮮，麻醬夠多，拌勻食好好味
北海道真蠔一啖食落去，同一般既汁好唔同
佢用左檸汁、柚子皮
食落酸酸咁，幾重海水味，同埋肉質豐厚好肥美
店內每樣刺身都係用日本製嘅白木盒裝住師傅解釋話用木盒裝住，可以防止倒汗水影響刺身原有嘅味道
深海池魚魚肉切得好薄，品瑩通透
口感好嫩滑新鮮
金線鯛肉質比較稔身，食落有啲似甜蝦既質感
味道偏淡，所以配埋薑蔥食岩岩好
芽蔥即是最幼既蔥將黑曹以卷住海膽同芽蔥
精緻得黎，芽蔥唔會嗆過海膽嘅味道
白子（鱈魚精）師傅用火槍燒過，令白子表面更香
配以即係（酸汁豉油柚子檸檬，木如花，昆布）再一齊食
醬汁好好味，白子亦好滑身
煮物煮物就係深海池魚頭
用濃郁嘅醬汁煮
菠菜、豆腐、魚頭吸收晒醬汁嘅味道再食
豆腐好滑，菇都唔會好韌
每當食完一道菜之後都可以食下啲碟上既春薑
即係新鮮種出好嫩嘅薑，用鹽醃幾日，再沖水沖幾日，用糖同醋浸幾日即成
本身對薑都有啲抗拒，因為都怕辣
但係依個完全冇嗰個感覺，最初食嗰時仲要啊蕎頭
左口魚昆布漬未食已經聞到一陣昆布味
用昆布黎醃製左口魚，其他地方從來都未食過
極具創意，用昆布味道掩蓋左口魚嘅油膩感
感覺好清新
金線鯛 配上赤醋飯同茗荷
茗荷即係薑嘅花
師傅唔用一般經常用嘅米醋而用赤醋伴飯
赤醋食落口有啲回甘嘅感覺
更加展現傳統江戶嘅風格
鮮帶子帶子熟度岩岩好
略略咁燒個表面，再加檸檬汁、柚皮
熱力令兩者既香氣更加突出
鱸魚 賣相好靚，
師傅話上面辣椒蘿蔔同蔥並唔係為咗個點綴個壽司
而係魚既調味
魚肉較為紥實
小肌 鍬だ用鹽醃用醋醃，估唔到醃製左唔長時間都咁入味
而且魚既大中細唔同大小都唔同名，真係長知識
金目錭油份好高肉質好嫩
食落帶甜，因為脂肪比例較高，所以食落齒頰留香
赤貝 柚子皮師傅將佢在枱上撻一撻，等赤貝肌肉再收緊
（因為佢仲有生命）再即刻上碟，咁就可以好爽口
鰈魚邊 （めおか）即係右口魚邊
比拖羅更入口即融，好好味
以前從來未食過依種口感，與眾不同
星鰻 （海鰻）配穴子（あなこ）汁
穴子即係魚既卵，因為係山度產卵
所以叫穴子
個穴子汁係師傅自己煮
配上星鰻，味道好夾
中拖羅即係第六刀切出黎既拖羅
肉質好嫩，好好味
北海道馬糞海膽 聽就聽得多， 食就第一次食
馬糞海膽比平時食到嗰啲好挺身
所以師傅真係整到一層一層咁
好堅挺，好有質感
食落嘅味道都幾清甜
唔會好似平時食唔到嗰啲味道咁
香蔥吞拿魚腩飯 手卷方形嘅手卷都係第一次食
俗語有話相機食先
雖然全餐影完都要快快趣咁食
因為要係最新鮮嘅狀態放入口先好味
但依個更加要比起平時刺身壽司還快
因為要即刻食，紫菜先會夠脆，可以一口咬到底
薄脆既紫菜包住滿滿嘅魚腩，食晒成條好滿足
文蛤麵豉湯
已麵豉湯作為廚師發板嘅尾聲
飲完好飽好滿足
依碗湯係由幾種麵豉加埋
仲有用木魚湯煮過，再加埋文蛤
好甜好好飲
食飽食埋個日本蜜瓜作為一個終結
整體來講，不論環境、師傅嘅用心、對每一道菜嘅解釋，都令到自己更加了解到日本江戶時代嘅飲食文化，所以飲食都係一樣學問
張貼
